Sabons artesanaus

Seguint damb es corsi d'elaboracion de productes artesanaus eth passat dissabte 10 de noveme hèrem un talhèr d'elaboracion de sabons en espai joen de Les. Mos amassèrem 10 hemnes, moltes de Les més tanben d'auti parçans com Bossòst e Betren. Mos agrade que mos venguesquetz a vèir acieu baish!.

Era artesana ère Lina Ratia que, acompanhada dera sua hilha Vero, mos ensenhec a hèr 3 sabon diferenti, 2 cosmetics e un entà lauar era ròba. Acieu auetz es imatges.

Escotant a Lina

 Mesurar es olis

 Un shinhau d'oli de coco

 Aprofitam eth karité entà idratar-mos es mans

Flors de calendula entà dar bona flaira 

Despús dera saponificacion ac cau meter en pòts 

 Eth nòste prumèr sabon!

 Cau calcular es grams de cada causa a consciencia

 L'agrade remòir!

 Sabon entara ròba

 Un shinhau d'indigo, un tint naturau, entà dar color ath sabon

 Tornam a remòir!

Ara mos cau demorar un mes antes de probar es nòsti sabons, ja vos condaram!