Activitats deth mes de junh

Seguim damb era programacion d'activitats damb es que vien en mes de junh: corsi d'artesania, exercici fisic, concorsi de doci, passejades e charrades. Acieu auetz eth programa, a participar!!

Rebrembatz que en es corsi cau inscripcion previa!

Prumèra charrada "Hemna e salut"

Dieundres passat auerem era prumèra charrada deth cicle "Hemna e salut". Era dietista e nutricionista Cristina Herrador, que trebalhe en espitau de Vielha, mos parlec de dieta e alimentacion es es diferentes fases dera vida d'ua hemna.

Ua charrada plan interesanta que compdec damb era assistencia de 25 des sòcies dera nòsta associacion, tot un exit!! Vos deisham bères fotografies dera serada e vos demoram ena proplèu charrada, eth diuendres 15 de junh entàs 21h30 parlaram dera deteccion deth cancer e deth supòrt as hemnes e familhes afectades damb Jordi Arjó, psicològ dera AECC e era Dra. Cristina Cabero, ginecològa.

Cicle de conferéncies "Hemna e Salut"

Vos auem premanit un cicle de conferéncies a on sajam de parlar e informar-mos de temes de salut que poguen afectar-mos a totes. Auran lòc un diuendres cada mes, en mai, junh e junhsèga e les haram ena sala d'actes der Ajuntament de Les tàs 21h30.

Es temes trigats aguest còp son:

- Era dieta e era alimentacion enes diferentes fases dera vida d'ua hemna.

- Eth càncer de mama, deteccion e supòrt psicologic a afectades e familhes.

- Era recuperacion dera musculatura genitau post-part e era incontinéncia urinaria.

E tà parlar-ne auem convidat a professionaus experts en tema. Convidatz a d'autes hemnes de d'auti pòbles!

Vos i demoram a totes!

Iniciacion ara informatica

Aué un grop de 7 hemnes dera nòsta associacion an començat eth cors de iniciacion ara informatica, ua collaboracion que auem damb eth Punt Omnia Eth Haro de Les.

Seran 3 intensi mesi entà aprèner a hèr foncionar un ordenador!

Ànims a Magdalena, Pilar, Mari, Rosi, Lourdes, Azu, Adelaida e Vicki (e a Hug, que les ensenhe!)