Concors de doci

Aguestes hèstes de Sant Joan era Associacion Hemnes de Les a volgut participar organizant un concors de doci. 10 concursantes mos an portat es sòns doci, a on trapauem iogurts, pastels, madalenes e licors. Entà hèr baishar ac auem acompanhat damb un shinhau de moscatel.

Ua tarde d'arrir e minjar que mos a deishat dues guanhadores (diden que d'un viatge entà Mallorca!) que a trigat eth jurat:
- Nico, Noelia e Carla representant ara comission d'hèstes
- Enedina, Maria e Ares representant ara Associacion de Hemnes

Premi ath més bon entà Modesta Montoya (e Lidia) e premi ara milhor presentacion entà Carmen López.

Gràcies a totes es qu'auetz participat e enquiara proplèu activitat!

Bon finau d'hèsta!

Monedero de feltre nau

Aué auem hèt un cors de iniciacion ath feltre damb Bàrbara, ua des artesanes dera Associacion Obrador Xisqueta. Mos a ensenhat a trebalhar era lan ja cardada d'aguesta raça d'oelhes e l'auem barrejat damb lan tirolesa de colors entà acabar hènt un monedero.

Paciencia e mau d'esquia, més auem après era base entà trebalhar eth feltre. Qui sap se mos i dedicaram...

Erem pòques, més mos ac auem passat d'aquerò més ben!

Acieu auetz bères fotos dera tarde de pluja!

Hemna e salut: Prevencion deth càncer de popa e supòrt as familhes afectades

Era segona edicion deth cicle "Hemna e salut" comencec damb era baisha dera Dra. Cabero per motius personaus de darrèra ora. Tot e aquerò, Jordi Arjó, psicolog dera Associacion Espanhòla contra eth càncer mos parlec de prevencion, mès tanben dera part mès psicologica dera malautia.


E ei que es estadistiques non son ua broma: ua de cada 3 hemnes en pòt patir. Era edat ei un factor important, a partir des 45 ans 1 de 200 hemnes serà afectada, un percentatge que va enquià 1 de cada 10-12 ena setantea d'edat. Mès eth càncer de popa ei des menos agressius e ua deteccion auançada pòt èster era diferencia entre auer un bon o un mau pronostic.


Es revisions periodiques, un còp cada 1-2 ans a partir des 45 son molt necessaries. Era mamografia pòt visibilizar un futur càncer 2 ans antes de que era hemna veigue simptomes físics.


Tot e que non i a certesa deth origen, si que trapam factors de risc: pòc exercici físic, dieta non equilibrada, menopausa tardana, edat, auer eth prumèr hilh tard.... rasons de mès entà hèr es contròls anuaus.


Deth costat psicologic cada ua viu era malautia de forma diferenta, mès er hèt de parlar-ne damb era familha semble fòrça important entara sua acceptacion.


Jordi Arjó mos parlec tanben dets servici de supòrt dera AECC en Vielha e d'un nau programa de recuperacion deth linfedema damb ua fisioterapeuta, tanben dera AECC, que se metera en plaça aguesta tardor.


E se voletz lèger més sus eth càncer de popa auetz aguesta web 


Era proplèu conferència "Hemna e salut" eth diuendres 6 de junhsega tàs 21h30 damb Maria Remiseiro, ua fisioterapeuta que mos parlarà dera recuperacion dera musculatura genitau post-part e dera prevencion dera incontinencia urinaria.


Vos i demoram!