Les, 9 de
hereuèr de 2013
Planvoluda sòcia,
Coma ben
sabes, era Associacion Hemnes de Les hè dejà un an qu’ei activa e a arribat eth
moment d’amassar-mos entà hèr balanç der an 2012 e decidir amassa es activitats
que volem empréner en 2013. Aguesta amassada ei era assemblada generau dera associacion, e ei de besonh amiar-la a
tèrme entà poder complir damb es nòsti estatuts. En aguesta amassada i son
convocades totes es sòcies entà parlar des ahèrs que mos tanhen, ath delà d’èster
tanben ua oportunitat de visibilizacion deth collectiu femenin locau.
Pr’amor d’açò,
en nòm dera Associacion de Hemnes de Les, te hèsqui a arribar era convocatòria
formau tad aguesta assemblada que se celebrarà eth pròplèu dissabte 9 de març, tàs 17’30 ena sala d’actes der Ajuntament de Les,
damb era orde deth dia que seguís:
1.
Benvenguda
2.
Aprovacion dera acta anterior
3.
Nautes e baishes de sòcies
4.
Resum d’activitats 2012
5.
Balanç economic
6.
Naui projèctes
7.
Precs e demanes
(Es estatuts dera nòsta
associacion establissen que quinsevolh sòcia pòt proposar punts a tractar ena
orde deth dia dera assemblada. S’ès interessada, eth plaç entà hèr a arribar es
tues propòstes acabe eth 22 de hereuèr)
Enguan, entà
hestejar eth prumèr an de vida dera nòsta associacion, auem volut hèr a
coincidir era assemblada damb era celebracion deth 8 de març, Dia dera Hemna.
Atau donc, te hèm a arribar tanben eth
programa d’actes qu’auem premanit des dera Associacion Hemnes de Les entà
hestejar aguest dia tant significatiu entà totes nosates, en tot demorar que i
participes.
PROGRAMA D’ACTES DE CELEBRACION DETH DIA DERA HEMNA
(9 de març de 2013)
11 ores. Caminada Les-Bossòst-Les e aperitiu
17.30 ores. Assemblada generau
dera Associacion (sala d’actes der Ajuntament de Les)
19 ores. Concèrt dera corau Hemnes de Les (sala
d’actes der Ajuntament de Les)
20 ores. Pica-pica (portatz bèra causòta qu’era
associacion met era beguda)
Ena entrada
der Ajuntament poderatz veir ua exposicion de fotografies des activitat
organizades pendent eth passat 2012.
En tot demorar
retrobar-te eth pròplèu dia 9 de març, te saludi plan coraument
Mireia Boya Busquet
Presidenta
