Aué era Junta dera Associacion s'a amassat entà tractar diferents ahèrs:
- Receveratz ua carta a on explicam a totes es hemnes deth pòble qué ei era Associacion e es proplèus activitats que començam: era corau e era recuelhuda de ròba d'iuern entà SolidAran
- Es mesi d'abriu, mai e junh començam un cicle de charrades "hemna e salut", a on parlaram deth cancer de mama, dera incontinencia e gimnasia posturau e d'alimentacion. Vos tieram informades des dates.
- Començam tanben es corsi e talhèrs en Punt Omnia: un cors d'iniciacion ara informatica en orari de maitin (se hètz interessades mos ac cau saber) e talhèrs de un o dus dies sus contabilitat ena empresa, fotografia digitau e informatica 2.0 (facebook, twitter, etc.)
- Auem establèrt un grop de trebalh entà concretar un projecte damb era gent grana, entath que auem era possibilitat de demanar ua subvencion, consistent en un programa d'activitats pes tardes. Tanben pensam en reactivar eth tema deth casau.
- Eth dia 8 de març ei eth dia internacionau dera hemna trabalhadora. Nosates haram ua passejada Les-Bossòst-Les (16h) e un vrespalh ens plaça der Ajuntament (totes portaram bèra causa entà compartir). Lèu penjaram cartèls peth pòble e deisharam lacets en es botigues entà que vos les metesquets aqueth dia.
